Mizoram Cooperative Fish Farming Marketing and Processing Federation Ltd. Aizawl (ZOFISFED) hi Registrar, Cooperative Society hnuaiah kum 1998 khan Registered a ni a, Zofisfed hnuaiah hian Primary Member Society 16 chuang zet an awm a ni.
HMA LAKNA TLANGPUI
1. Privatisation chungchang:
Kum 1998 a Zofisfed din anih atang khan, a thil tum pawimawh ber chu sangha khawi tute hnena sangha chi tha pek hi a ni a. Chumi ti thei tur chuan Fisheries Department in Mizoram chhung hmun hrang hrang a fish Seed Production Centre a siam, Sum indaih lohna vanga a dah tawl te hi Zofisfed chuan kum 2004 vel atang khan Zofisfed kut ah (lease out) kum 10 chhung atan a lo dil tawh thin a, MNF Ministry in Privatisation a rawn sawi uar ta hi lawmawm a tie m em a ni. He Privatisation (lease out) tur hian Fisheries Secretary hovin tum 2 lai Raj Bhawan Durbar Hall-ah hian Department Secretary leh staff ten en pawh sawi ho a ni tawh a. zofisfed beisei ang a tun thleng a privatization tur a la fel thei lo hi chu pawi a ti hle a ni.
2. Awareness Campaign:
Zofisfed in rua hmanna a neih ang te hi sangha khawi tute hnena hriattir leh sawi darh hi pawimawh a ti a. Kum 2005 khan Mamit District leh Kolasib District te tlawh chhuak vekin Fish Farmers training te a buatsaih a. Tin, kum 2006 khan hetiang bawk hian Champhai District huam chhungah campaing hi a buatsaih tawh bawk a, sangha khawi ture pawhin hlawk thlak an ti hle a ni. Zofisfed Board Member ten hetiang a a huho a zinna programme an siamah hian Fisheries Department staff te pawhin an tawiawm tha hle a ni.
3. Fish Farmers’Development Agency (F.F.D.A) Member:
Kum 2003 khan Fisheries Minister hnenah F.F.D.A. Member a ruat ve turin sawrkarah an thlen a. He F.F.D.A. hi sangha khawi tute tanpuina leh ruahmanna siam tu ber a ni a. He ngenna hi sawrkar pawhin a ngai pawimawh a, District tin a F.F.D.A.-ah hian member atan sangha khawi tu dik tak te chu a ruat vet a a, Zofisfed chuan lawmawm a ti hle a ni.
4. N.C.D.C. Loan:
Kum 1998 khan Zofisfed chuan .N.C.D.C. atangin Rs. 1 lac (50% grant in aid) ang chi kha a dawng a, hei hian kum 1 ah Rs. 7,500/- pung a nei a. He pawisa hi tangkai takin a hmang a, kum 2004 khan a pung zawn zawng nen a rul fell eh ta a ni.
5. Baffacos leh Zofisfed:
Kum 2005 Baffacos pawisa kha Fisheries Minister thahnem ngaihna a zar a Fisheries Department pawhin cheng engemaw zat chu a chang ve a. Tuikhuah neitu, mi taima leh tum ruh tak tak te chuan he sum hmang hian hma an la ta a. Chumi rah chu a lo lang tan ta mek a. Tunah hian Sangha mana Rs. 1,00,000/- (cheng nuaih) tel an awm ta nuk mai hi Sofisfed chuan lawmawm a ti a. Mizoram hmasawnna kawng chhinchhiah tlak a ni a ti.
6. Tuikhuah Sangha thar zawrhna hmun chungchang:
Tui khuah thar Sangha zawrhna hmun thuah hian Zofisfed hian a buaipui hle a. Kum 2006 April thla khan Trade and Commerce Building, New Market sak tharah khuan hmun a lo dil tawh a chhuan lam ho tete avangin a fel lawk thei lo a, mahse kimin 2008, March thla khan, he Building ah hian hmun min pe ta a, a dawhkan tlem siam danglam a ngai a, lut mai thei dinhmun ah kan ding ta a, Zofisfed chuan lawm awm a ti hle a ni.
7. 75% subsidy:
Nikum 2007 kum tawp atang khan hun rei tak atanga kan ngenna chu Fishery Department chuan min tih hlawhtlin sak ta a. Sangha chaw leh Drag Net te chu 75% Subsidy a lei theih in min siam sak ta a. Kan Sangha thar chhuah pawhin a pun phah nasa hlein kan hria. Fisheries Minister leh Staff chungah Zofisfed chuan lawm thu a sawi bawk a ni.
