Office of the Registrar of Cooperative Societies, Government of Mizoram, India

COOPERATIVE SOCIETIES DIN DUH TANA HRIATTUR PAWIMAWHTE

The Mizoram Cooperative Societies Act, 2006 leh Mizoram Cooperative Societies Rules, 2011 in a tarlan angin Cooperative Society din tumte tan ahnuaia mite hi hriattur a ni.

1.   Primary Cooperative Society din duhte chuan dilna (Form ‘A’) hmangin District Cooperative Officer kaltlangin Registrar of Cooperative Societies-ah an thehlut tur a ni.
2.   Primary Cooperative Society-ah chuan mimal member an ni a. District leh State Level Cooperative Society-ah chuan Registered Cooperative Society te chu member an ni.
3.   Primary Cooperative Society din tuma diltu member te chuan an dilna-ah an hming an ziak vek tur a ni. Primary Cooperative Society tih lohah chuan Cooperative Society-a Board Member an society in phalna a pek te leh Sawrkar in phalna a pek ten hming an ziak ang.
4.   Cooperative Society din tumte dilna-ah chuan hengte hi a tel ngei tur a ni.
   (a) Bye-law an hman tum copy khat leh registration fee (a tul chuan)
   (b) Members te hming, address, hnathawh leh share lei dan
   (c) Committee member ruat lailawk emaw thlan lailawk te hming.
   (d) Committee thurel, Bye-law hman tum pawmna, chairman in a hming a ziakna ngei.

Primary Cooperative Society din tumte chu mi 20 (sawmhnih) aiin an tlem tur a ni lova. Tin, heng mimal member turte hi chhungkaw hrang hrang a mi an ni tur a ni. (Chhungkaw pakhatah mi pakhat zel tur a ni)

Tin, Primary Cooperative Society ni lo, District Level leh State Level Society leh Sawrkar phalna a din society te chuan member 10 (sawm) an nei tling ngei tur a ni. Member 10 (sawm) aia tlem chuan an din thei lo a ni. Thiamna bik nei Society din tumte chuan member 15 (sawmpanga) an nei ngei tur a ni.

Cooperative Society din dilna chu RCS in a remtih chuan ni 60 (sawmruk) chhungin Registration Certificate pe chhuak ang.

COOPERATIVE SOCIETIES HNATHAWH THEIHTE

Cooperative Society chu mi hnathawh inang, tum thuhmun leh duhzawng inang ten an hnathawh leh khawsakna atana hma an sawnna tura tangho tura pawla in siam an ni a. Chuvangin Cooperative Society chuan khua leh tui tha ten an hmasawnna tura hna an thawhho ang chi chu a huam thei vek a ni. Entirnan, Thilsiam leh zawrh te, sum renchem leh khawl inzirtirte, thlai tharchhuah leh sawngbawl te, nitin ei chawp lei leh hralh te, kut hnathawh tihhmasawn te, ram lei leh in sak te, bungraw dahkhawm hmanga hlohna ven te, sangha dil siam leh a behbawm hmanga hnathawh te, ran vulh leh a sa sawngbawl te, puantah lam te, hriselna te, zin veivak te remchanna siam te, zirna tihhmasawn leh members te dinhmun leh khawtlang chawikanna hrang hrang te a huam a ni.

Cooperative Society ten hma an sawn theihnana Sorkar tanpuina Scheme hrang hrang te eng te nge?

= Cooperative Society ten hma an sawn zel nan, Sorkar in Grant-in-aid heng – Managerial, Trasport, Raw-Materials, etc atan sun awmdan ang zelin societies te hnenah financial assistance a pe thin.

Cooperative Society ten hma an sawn theihnana Sorkar tanpuina Scheme hrang hrang te eng te nge?

= Cooperative Society ten hma an sawn zel nan, Sorkar in Grant-in-aid heng – Managerial, Trasport, Raw-Materials, etc atan sun awmdan ang zelin societies te hnenah financial assistance a pe thin.

Society te Grade a then hran an nihna chhan engte nge?

= Mizoram Cooperative Society-te hi an hnathawh that leh chak dan te, Cooperative Societies Act 2006 leh Rules 1996 bakah Bye-Laws an zawm that dan a zirin, ‘The Mizoram Cooperative Societies Rules 1996’ Rules No.87 tlawhchhan a hmangin Society te hi Grade hrang hrangah then an ni. Heng Grade ah te hian then an ni.

‘A’ Class Society

‘B’ Class Society

‘C’ Class Society

‘D’ Class Society

Eng thilah te nge RCS in Cooperative Society te Registration Cancel leh Liquidate theihna thupek a chhuah thin?

(a) Thil dik lo emaw, thu dik lo sawi avanga registration neih a nihin.

(b) Liabilities leh bungraw neih zawng zawng Cooperative Society dangah hlanchhawn vek a nihin.

(d) Cooperative Society chu amah a hmun hnih emaw a aia tam ah emaw an inthendarh in.

(e) A hnathawkte tih tawp anih in.

(f) Mizoram Cooperative Societies Act, 2006 hnuaia a register a nihna paih anih in.

Mizoram Cooperative Society zingah National Level Award dawng tawh zat?

(1) Darlung Service Coop. Society Ltd.